ദുബായ് കെഎംസിസി ഷൊർണൂർ മണ്ഡലം കമ്മിറ്റി സംഘടിപ്പിച്ച ഷൊർണൂർ സംഗമം-2024ൽ സലാം പാപ്പിനിശ്ശേരി മുഖ്യാതിഥിയായിരുന്നു.

ദുബായ് കെഎംസിസി ഷൊറണൂർ മണ്ഡലം കമ്മിറ്റി സംഘടിപ്പിച്ച ഷൊറണൂർ സംഗമം-2024 ൽ സലാം പാപ്പിനിശ്ശേരി മുഖ്യാതിഥിയായിരുന്നു.

ദുബൈ കെഎംസിസി ആക്ടിംഗ് പ്രസിഡന്റ് മുഹമ്മദ് പട്ടാമ്പി പരിപാടി ഉദ്ഘാടനം ചെയ്തു. മണ്ഡലം പ്രസിഡന്റ് പനമണ്ണിന്റെ അധ്യക്ഷതയിൽ ചേർന്ന യോഗത്തിൽ ജനറൽ സെക്രട്ടറി ഷഫീഖ് സ്വാഗതം പറഞ്ഞു. സാമൂഹിക പ്രവർത്തകനും വൈഎബി സിഇഒയുമായ സലാം പാപ്പിനിശ്ശേരിക്ക് സാമൂഹിക പ്രതിബദ്ധതാ അവാർഡും യുവ സംരംഭകൻ ഇഖ്ബാൽ കിഴടയിലിന് യുവസംരംഭക അവാർഡും ലഭിച്ചു.

ഷൊറണൂർ ഫെസ്റ്റ്-2024 ന്റെ ലോഗോ ദുബായ് കെഎംസിസി നേതാവ് ഫൈസൽ തുകൽ പ്രകാശനം ചെയ്തു. ദുബൈ കെഎംസിസി വൈസ് പ്രസിഡന്റ് യൂസഫ് മാസ്റ്റർ, ജില്ലാ ട്രഷറർ ഇബ്രാഹിം ചളവറ, നജീബ് തെയ്യാലിക്കൽ, സലിം പനമണ്ണ്, അൻവർ ഹല, ഫവാസ് മണ്ണഴി, അൻവറുള്ള ഹുദവി തുടങ്ങിയവർ പങ്കെടുത്തു. അഡ്വ. യാസിദ് മുഖ്യപ്രഭാഷണം നടത്തി. തുടർന്ന് നടന്ന ക്വിസ് മത്സരത്തിൽ വിജയികളായി തബിത് കൊപ്പം, അൻസാർ നെല്ലായ എന്നിവർ തിരഞ്ഞെടുക്കപ്പെട്ടു. ജാബിർ വാഫി സമ്മേളനത്തിന് നന്ദി പറഞ്ഞു.